පුංචි පැටවුන්ගේ රාත්‍රී අවදිවීමත් සමඟ පවුල් ජීවිතය සතුටින් ගත කරමු

                   අලියන්ට ළමයින්ට නළියන්නමයි හිත.මෙන්න මේ කතාවේ ඇත්ත නැත්ත පුංචි පුංචි පැටියෙක් ඉන්න අම්මා කෙනෙක්නම් හොඳටම දන්නවා.ඒ වගේමයි අම්මා විතරක් නෙමෙයි තාත්තත් ඒ අතිදැකීම හොඳට විඳිනවා.හැමතිස්සෙම පුංචි පැටියා වෙනුවෙන් කැපවෙලා ඉන්න වෙනවා.ඒ වෙනුනේ රැයක් දවාලක් කියලා  වෙනසක් නෑ.මේ දේවල් ගැන කතාකරද්දි වැදගත් වෙන දෙයක් තමයි පුංචි බබාලගේ නින්ද පුංචි පැටියෙක් එයාලගෙ දවසින් වැඩි හරියක් කරන්නේ නිදාගැනීම. එහෙම උනත් ආයෙමත් ඇහැරිනවා.ඒ විතරක් නෙමෙයි සමහර වෙලාවට මු`ඵ රෑම ඇහැරලා පාන්දර යාමේ ටිකක් නිදාගන්නවා.ඉතින් මෙන්න මේ වගේ කරුණු නිසා අද අපි හිතුවා පුංචි බබාලගේ නින්ද ගැන ටිකක් කතා කරන්න.
අද වෙනකොට හැමෝම වගේ කාර්යබහුලයි.ඒ කියන්නේ අම්මා උනත් තාත්තා උනත් වෙනසක් නෑ- බොහෝ පිරිසක් රැකියාවල නිරත වෙනවා.මේ නිසාම තමන්ගේ පුංචි පැටියව භාර වෙන්නේ ආච්චිට සීයට එහෙමත් නැත්නම් ආයඅම්මා කෙනෙකුට.
කොහොම උනත් පුංචි පැටියෙක්ගෙ නින්ද අත්‍යවශ්‍යයෙන්ම අවශ්‍ය දෙයක්.මේ නිසා මෙයාලගේ මොළය වර්ධනයට පුඵල් කාර්යයක් සුවදායක නින්දකින් සිදුවෙනවා.ඒත් මේ කාලෙදි ගොඩක් බබාලා රාත්‍රී නින්දෙන් පස්සෙත් නිතර නිතර අවදි වෙනවා.මේ සිදුවීම සාමාන්‍ය තත්වයක් වෙන්න පුඵවන් හේතු දෙකක් මත.ඒ,

• පුංචි පැටියට බඩඟිනි ඇතිවීම
• පුංචි පැටියට මුත්‍රා වීම නිසා ඇති වන තෙතමනය

ඉහත හේතූන් දෙක සාමාන්‍ය තත්ත්වයන් නමුත් ඊට අමතරව යම් යම් හේතූන් මත රාත්‍රී යාමයේ පුංචි පැටියා නින්දෙන් අවදි වෙන්න පුඵවන් ඒ අතර,
පුංචි පැටියට අධික උණුසුමක් හෝ සීතලක් දැනීම                                                                                                                                                                              මෙන්න මේ වගේ එදිනෙදා ජීවිතයේ දෙමව්පියෝ නොහිතන දේවල් ගැන පුංචි පැටියෙකු සිටින නිවසකනම් වඩාත් සැලකිළිමත් වීම අනිවාර්යයි.විශේෂයෙන්ම ළදරුවනගේ රෙදි වියලා ගැනීමෙන් පසු එම ඇඳුම් ඇන්දවීමට පෙර ඒ පිළිබඳ ව විමසිලිමත් විය යුතුයි. එසේ නොවුනහොත් නොදැනුවත්ව හෝ කෘමි සතුන් ඒ මත රැදී සිටිය හැකියි-ඒ වගේමයි පවත්නා පහසුකම් මත  සුවදායක නින්දකට සුදුසු පරිසරයක් ළදරුවා වෙත ලබා දීමද වැදගත්.

මේ කුමන හේතූන් මත වුවද රාත්‍රී නින්දෙන් පස්සේ නැවත නැවත පුංචි පැටියගේ අවදි වීම දවස පුරාම වෙහෙස වෙලා ඉන්න දෙමාපියන්ට හරිම වෙහෙසකරයි.නිවසක සිටින අම්මා කෙනෙකුට උනත් මේ දැනෙන වෙහෙසේ වෙනසක් නෑ.මොකද දවස පුරාම පුංචි පැටියගේ දඟකාරකම් එක්ක හැප්පෙන නිසා.කොහොම උනත් දෙන්නෙක් විදියට හිටපු පවුල් ජීවිතේ තුන්දෙනෙක් උනාට පස්සේ අවශ්‍යම දේ වෙන්නේ අනිත් අයගේ සහයෝගය සහ මනා තේරුම් ගැනීම.මේ අතරින් විශේෂිතම කරුණ වෙන්නේ සැමියා සහ බිරිඳ අතර පවතින සහයෝගය සමඟිය වගේම එකිනෙකා සිය`ඵ වැඩ බෙදාගෙන සිදු කිරීම.එසේ වුවහොත් සාර්ථක පවුල් ජීවිතයක් ගත කිරීමට මෙන්ම නිදහස්  යුක්තව ජීවත් වීමේ අවකාශය උදා වෙනවා.
අපේ සංස්කෘතිය ඇතුළෙදි ගෘහ මූලික තත්ත්වය පියාට උරුම උනාට බොහොමයක් කටයුතු සිදු වන්නේ මවගේ අතින් දවස පුරා වෙහෙසෙන ඇය රෑ නින්දෙදිද නිදිවරාගෙන පුංචි පැටියව රැක බලා ගන්නවා- බොහෝවිට තම සැමියාගේ සියඵ කටයුතු පවා සිදු වන්නේ බිරිඳගේ අතින මෙකී තත්ත්වය වෙනස්වීම අනිවාර්යයි.  වැඩ බෙදාගැනීම තුළින් කාල කළමනාකරණය අත්‍යවශ්‍යයයි.එසේ වුවහොත් පුංචි පැටියගේ කටයුතු අතරෙ සුවදායක පවුල් ජීවිතයක් ගත කිරීමේ හැකියාව උදාකරගත හැකියි.
සාර්ථක පවුල් ජීිවිතයක් උදෙසා පවුල තුළ වැඩ බෙදා ගැනීම අත්‍යවශ්‍යයයි රැකියාවක නිරතනව සිටින බිරිඳකනම් ඇයද සැමියා සමඟ පවුලේ ආර්ථිකය ගොඩනැංවීමට පුඵල් කාර්යයක් සිදු කරයි මේ නිසාම සැමියා විසින් බිරිඳගේ මානසික තත්ත්වය  නිරන්තරයෙන් සුරැකිය යුතුයි දවසේ රාජකිරී හමාර කොට නිවෙසට පැමිණෙන සැමියා වෙත තේ කෝප්පය සදා දෙන්නේ බිරිඳය.එහෙත් ළඳරුවකු සිටින නිවෙසක බිරිඳටද මෙවැනි අවස්ථා හමිිකර දීම සැමියකුගේ වගකීමකි ඒ තුළින් ඔවුන් අතර ආදරය සතුට අනිවාරයයෙන් සුරැකේ.
පුංචි පැටියෙකුගේ ශාරීරීක බොහෝ ක්‍රියාකාරකම් සිදු වන්නේ ඔහුටත් නොදැනීමය.මේ නිසාම ඔවුන්ගේ නින්ද පාළනය කර ගැනීමේ හැකියාවක් ඔවුනට නොමැත.අවශ්‍ය වන්නේ මවගේ සහ පියාගේ කාළ කලමනාකරණයයි. නිවසන සිටිින මවකනම් දරුවා බොහෝ වෙලාවක් රාත්‍රී අවදි වී සිටින බව දන්නා නිසා දහවල් කාලයේ පුංචි පැටියත් එක්ක  විවේකී නින්දක් ලබා ගැනීමට යම් වේලාවක් වෙන් කරගන්න පුඵවන්. මේ දේ අම්මගේ මානසික නිදහසට ගොඩාක් වටිනවා. ඒ වගේමයි ආහාර සැකසීම පුංචි පැටියාගේ පුංචි පුංචි කටයුතු පවා දෙදෙනාම අතින් සිදු විය යුතුයි. ඇතැම් පුංචි දරුවන් රාත්‍රියේ දී කලින් නින්දට ගොස් නැවත මධ්‍යම රාත්‍රියේ  අවදිවීමට පුරුදු වෙලා ඉන්නවා.මේ වගේ පුංචි දරුවකු  සිටීනම් මවටද දරුවා සමඟ යම් වේලාවක් කලින් නිදාගත හැකියි.ඒ අතර වාරයේ නිවසේ නටයුතු අතර වාරයේ නිවසේ නටයුතු උදෙසා සැමියාගේ සහයෝගය ගොඩක් වැදගත් වෙනවා. මේ වගේ පුංචි කරුණු සියල්ලම සාර්ථක පවුල් ජීවිතයක සතුට රදා පවතින කරුණු.ඒ දරුපැටියගේ දඟකාරකම් අතරේ ප්‍රීතිමත් පවුල් ජීවිතයක් ගත කරන්නට ඉඩ අවකාශය ලැබේවි.

 සටහන -NG☺️....
උපදෙස් -
(පවුල් සෞඛ්‍ය සේවා නිලධාරිනි A.k ස්වර්ණලතා)

     

            හතර වටේ චාරිකා ....👣

           2.සොඳුරු දිය ලලනාවිය ගල්බොඩ ඇල්ල

                   අපේ ඇස පිනවන්න වගේම හිත නවත්තන්නත් සුදුසුම දේ වෙන්නේ පරිසරය.ගහකොළ සතා සිවුපාවා ඇලදොළ මේ හැමදේම හරි අපූරුවට මිනිස් සිත සනසනවා.මේ අතරින් මිනිස් ඇස පිනවන්න විතරක් නෙමෙයි නෙත් සිත් ඇඳ බැඳලන්න පුඵවන් ස්ථානයක් තමයි දියඇළි කියන්නෙ. මේ කියන්න යන්නේ අන්න ඒ වගේ සුන්දරතම දිය ඇල්ලක් පිළිබඳ විස්තරයක්.සමහරවිට මේ දියඇල්ල ගැන කවුරුත් වැඩිය නොදන්නවා වෙන්න පුඵවන් මොකද මේ දියඇල්ලට වාහනයකින් යන්න පුඵවන් මාර්ගයක් නැති නිසා.කොහොම උනත් මේ මනස්කාන්ත දිය ඇල්ල නිර්මාණය කරන නිර්මාණකරුවා වෙන්නේ මහවැලි නදිය.ගොඩක් ම පළලින් වැඩි දිය ඇල්ලක් නිසා මේ දසුන කොයි කාගෙත් සිත නවත්තගන්නවා අනිවාර්යයි.

                                                  උස අඩි 98 ක් විතර වෙන සුන්දර දිය ලලනාවිය වෙන්නේ ගල්බොඩ ඇල්ල.දිය ඇල්ල පිහිටලා තියෙන්නෙත් මනස්කාන්ත පරිසර පද්ධතියක.ඇල්ල නරඹන්න යනවනම් යන්න හොඳම විදිය අපි ගියා වගේ කෝච්චියෙන් යන එක තමයි මොකද අතරමඟ සුන්දරත්වයත් විඳගන්න ලැබෙන නිසා ඒ අත්දැකීම අමතක නොවෙන එකක් වෙයි--කොළඹ කොටුවෙන් විතරක් නෙමෙයි කොයි තැනින් කෝච්චියට ගොඩ උනත් බහින්න ඕන තැන වෙන්නේ නාවලපිටිය පහු වෙනවත් එක්කම තියෙන ගල්බොඩ දුම්රිය ස්ථානය.උදේ පාන්දරින් ම මේ ගමන සැළසුම් කරන්න එහෙම උනොත් අනිවාර්යයෙන් ම ගමන තවත් සුන්දරයි. මේ ගල්බොඩ කියන්නේ ඈත අතීතයේ ඉදලම පිරිසිදු ජලයට ගොඩක් ප්‍රසිද්ධ ස්ථානයක්ලු.දුම්රිය ස්ථානයෙන් බැහැගත්ත අපට දකින්න ලැබුණ නිල් දිය පොකුණ කියන පොකුණ පිරිලා තියෙන්නෙත් මේ කියපු පිරිසිදු ජලයෙන් ම තමයි.පොකුණ ගැන අපූරු ජනප්‍රවාද කිහිපයකුත් අපට දැනගන්න ලැබුණා-ඒ ආසියාවේ වැඩිම ගණත්වයක් සහිත ජලය තියෙන්නේ මේ නිල් දිය පොකුණෙ කියලා විශ්වාසයක් අතීතයේ තිබුණ බව.ඒ විතරක් නෙමෙයි රජගෙදරට,ඉංග්‍රීසි පාළකයන්ට පවා ගෙනිහින් තියෙන්නේ මේ පොකුණෙ ජලය කියන විශ්වාසය.කොහොම උනත් දිය ඇල්ල නරඹන්නනම් පැයක් වගේ කාලයක තව සෑහෙන දුරක් අපට යන්න තියෙනවා.                                                                                                       

                                          ගමන් මාර්ගය හරියටම දැනගෙන ආවොත් ලේසි නිසා දිය ඇල්ලට මෙතන ඉදන් යන්න ඕන විදිය මම  පැහැදිළිව කියන්නම්,දුම්රියෙන් බැහැගත්ත අපි ආපහු යන්න වෙනවා පයින් නාවලපිටිය පැත්තට හරියටම මීටර් 100ක් විතර වගේ දුරක්.මෙහෙම යනකොට කන්ද උඩට යන පාරක් දකින්න ලැබෙනවා දකුණු පැත්තෙන්-වටපිටාවේ සුන්දරත්වයත් බලාගෙනම ඉස්සරහට යනකොට අපට ඊලඟට හම්බෙන්නේ ඇල්ල නරඹන්න ටිකට් ගන්න ස්ථානය.රුපියල් 20ක් වගේ පුංචි මුදලක් තමයි මේ වැඬේට අපට වැය උනේ.කොහොම උනත් මෙතනින් පස්සේ ඉදිරියට යන ගමනේ වටපිට සුන්දරත්වය නරඹන්න කෙහොමටවත්ම අමතක කරන්න එපා .මේ තරම් සුන්දරත්වයක් අපි හැමෝටම දකින්න ලැබෙන්නේ හරිම කලාතුරකින් නිසා.තේ වත්තක් මැදින් පුංචි අඩි පාරකින් තමයි ඇල්ලට ළඟා වෙන්න වෙන්නේ-මේ විදියට කිලෝමීටරයක් වගේ දුරක් ගමන් කරන්න වෙනවා.කොහොම උනත් අපේ කණ්ඩායමටම දිය ඇල්ල නරඹන්න තිබුණ හදිස්සිය නිසා අපි මේ ගමන ගියේ ටිකක් වේගෙන්-ඉතින් මෙහෙම දිගටම යනකොට අපට පේනවා ගල්බොඩ ඇල්ලේ ිඑරු්ප එකෙන් හරිම ලස්සනට වතුර බහිනව මෙහෙම ගලාගෙන යන වතුර පාර මැද්දෙන් ලීි කොට වලින් හදපු පාළම දිගේ ආවම ඔන්න අපි ආසාවෙන් බලාපොරොත්තු උන සුන්දර ගල්බොඩ ලලනාවිය අපිට දකින්න ලැබෙනවා.

                                           පුදුම තරම් ලස්සනයි.උස වගේ ම පළලත් අනිත් දිය ඇළිවලට වඩා ගොඩක් වැඩී.පැයක් දෙකක් නෙවෙයි දවසක් දෙකක් උනත් නතරවෙලා බලාගෙන ඉන්න හිතෙනවා.ගල්බොඩ කියන ප්‍රදේශය, දිය ඇල්ල විතරක් නෙමෙයි ඇල්ලට උඩින් තියෙන කඳුකර ප්‍රදේශය ගැනත් අපූරු කතාවක් දැනගන්න ලැබුණා ඒ කඳුකර ප්‍රදේශයේ උස්වැලකන්ද කියන ස්ථානයේ දේවාලයක් තියෙනවා කියන එක.ඒ උනත් මංමුලා වැල් කියන වැල් වර්ගයක් තියෙන නිසා මෙතනට අද වෙනකල්ම කවුරුත් ගිහිල්ලනම් නෑ.පරිසරයට ගහකොළට ආදරේ කරන අපේ අයට මේ කතාවල ඇත්ත නැත්ත හොයලා බලන්න පුඵවන් හැබැයි ඒ පරිසරයට කිසිම හානියක් නොකර.ඉතින් නිවාඩු දවසක ගිහින් මේ සුන්දර පාරාදීසේ ලස්සන විඳගන්න අනිවාර්යයෙන්ම ගල්බොඩට යන්න.

                                                                                                                                          NG.....☺️.👣
                               
                     

                           
          හතර වටේ චාරිකා👣👣 
          පුංචි  සීගිරිය

                          ලංකාවේ සොඳුරු තැන් සොයාගෙන යන ගමනේ අපි අද ටිකක් වෙනස් විදයේ තැනක් සොයා ගියා මේ පුංචි සීගිරිය සමහර අයනම් මේ නම කන වැකුන සැනින් දන්නවා ඇති ඒත් සමහර අයට මේ නම ටිකක් විතර නුහුරු නුපුරුදු ඇති කොහොම උනත් අපි අද යන්නේ බතලේගල එහෙම නැත්නම් පුංචි සීගිරිය කදු තරණයට.ස්වභාව සෞන්දර්යයේ සුන්දරත්වය විඳගන්න සදුසුම ඉසව්වකට

    සබරගමු පළාතේ කෑගල්ල දිස්ත්‍රීක්කයේ මාවනැල්ල නගරයේ අරණායක මේ සොඳුරු පරිසර පද්ධතිය පිහිටලා තිබෙනවා.විනෝදයට ඇවිදින්න යන අයට විතරක් නෙමෙයි කඳු නගින්න කැමති අයටත් මේ ගමන අනිවාර්යයෙන්ම හොඳ අත්දැකීමක් වෙයි.මුහුදු මට්ටමේ ඉදන් අඩි 2780 ක්  විතර උසකින් පුංචි සීගිරිය ගල පිහිටලා තියෙන නිසා අවට සුන්දරත්වය දැකගන්න සුදුසුම තැනක් තමයි මේ පුංචි සීගිරියට යන මාර්ගය ගොඩක්  දුෂ්කරයි -මොකද වනාන්තරය මැදින් අඩිපාරක ම ගිහින් කදු මුදුනට යන්න වෙන්නෙ මේ අඩිපාර දෙපස වැඩි වශයෙන් පිහිටලා තියෙන්නේ කෙසෙල් කරාබුනැටි,ගම්මිරිස: වගේ බෝග වර්ග.මේ විදියේ අපට හුරුපුරුදු පිහිටලා බෝග වර්ග තිබුණට ජනාවාස වෙලා තිබෙණ ප්‍රදේශයනම් බොහොම අඩුයි.පුංචි පුංචි ගල් පඩි අතරින් පුංචි සීගිරිය ගල ගාවටම යන්න තියෙන්නේ කලින් කිව්වා වගේම බොහෝම දුශ්කර මාර්ගයක.කොහොම උනත් ගමනේ අවසානයක් දකින්නනම් කිලෝමීටර් දෙකහමාරක් වගේ දුරක් පයින් ගමන් කරන්නම වෙනවා.

ගමන ආරම්භයට කලින් අපි හොයලා දැනගත්ත කරුණුත් එක්ක බලපුවම බතලේගල කදුමුදුනේ පුංචි පන්සලකුත් පිහිටලා තිබුණා කියලා අපට දැනගන්න  ලැබුණා.නමුත් ගමන් මාර්ග උපහසුව ,පහසුකම් මදකම නිසාම අද වෙනකොට මේ පන්සල පාළුවට ගිහින් කියලත් දැනගන්න ලැබුණා.අඩිපාර දෙපස තිබෙණ වනාන්තරය හරිම සිත්කළුයි.ස්වභාවික සිසිලස ගමන පුරාවට දැනෙනවා.ගල් පඩිවලින් නැගිලා කන්දෙ මැදකට වගේ ආවම හාත්පසම හරිම ලස්සනයි.වටිනා කියන ශාක ඇස් මානයේ වටේටම දැකගන්න පුළුවන්.ඒ මේ අතට ඇඹරුනු පුස්වැල්,අංකෙන්ද ,තෙල් එඬරු මේ අතර වෙනවා-මේ ගස්වැල්වල සුවඳ අතරින් තමයි කඳු මුදුනට ලඟා වෙන්න සිදු වෙන්නේ.කන්ද මුදුනට ළංවෙන්න ළංවෙන්න සීතල සුළඟ වගේම උස් අවකාශයකුත් නිමක් නැතිව දැකගන්න ලැබෙනවා.

ඒ වගේම තමයි දුශ්කර ගමන,ගල් පඩි අතරින් ඉහලට නගිනවා වගේම මේ ගමනේ එක් කොටසක් තියෙනවා කේබල් එකක් ආධාරයෙන් ගල ඉහලට යන්න වෙන.කවුරු කවුරුත් මේ කියන කොටස පසු කරන්න ඕන බොහොම ප්‍රවේසමට මොකද ඉතින් අනතුරක් වෙන්න තියෙන ඉඩකඩ වැඩි නිසා.හැබැයි බොහොම සුන්දර ත්‍රාසජනක අත්දැකීමත් වෙයි කොයි කාටත්.ගමනෙදි දැනෙන මහන්සිය මගහැරගන්න තිබෙන හොඳම ක්‍රමවේදය ගල් පොත්ත උඩ වාඩි වෙලා ගිමන නිමා කරගන්න එක.කොහොම උනත් අව් රශ්මිය මදි නොකියන්න තියෙන දවාලකනම් මේක කරන්න ටිකක් අමාරුයි.“පුංචි සීගිරිය”නම වගේම ඇත්තටම සීගිරියට ගියා වගේ හාත්පසම පරිසරයේ ලස්සන පුළුල් අවකාශයක් පුරා පැතිරිලා තිබෙන විදිය පේනවා.බතලේගලට නොගිය කෙනෙක් නොදන්න තවත් විශේෂම කරුණක් තියෙනවා ඒ තමයි බතලේගල ගල දෙපස පිහිටලා තිබෙන සුළං කපොලු දෙක.ස්වභාව ධර්මයේ හරි අපුරු දායාදක්.ඇස පිනවන දසුනක්.මම කලින් කිව්වා වගේම පාළුවට ගිය පන්සලක ගොඩනැගිලි කදු මුදුනේ දැකගන්න ලැබෙනවා.ඝාණ්ඨාර කුළුණ , පුංචි චෛත්‍යයක් වගේම ආවාස ගෙයකුත් ඒ අතර වෙනවා.කොහොම උනත් භික්‍ෂූන් වහන්සේලාට වඩින්න තියෙන අපහසුව මතම තමයි අද වෙනකොට මේ තරම් සොඳූරු පරිසරයක පිහිටලා තිබුණත් පන්සල පාළුවට ගිහින් තියෙන්නේ.

අක්කර පහක් වගේ වෙන බතලේගල කඳූ මුදුනේ භූමි ප්‍රමාණය වැඩි හරියක්ම වගේ වැදිලා ගිහින් තිබෙන්නේ පැඟිරි මාන ශාකයෙන්.අංකෙන්ද බෙහෙත් ශාක ආදියත් ඒ අතර තියෙනවා.ගල මුදුනේ එක් පැත්තකට වෙන්න අයිනකට ගිහින් වටපිට අවකාශය අවධානයෙන් බැලුවොත් ඌරා කන්ද,සාමස්සර ,අම්බුළුවාව,දහයියා කන්ද වගේ කදු මුදුන් හරිම පැහැදිළිව පේනවා.ඉර එළියත් එක්ක මේ දේවල් හරිම ලස්සනට අපේ නෙත් පිනවනවා.ගමන ටිකක් උදෙන්ම ආරම්භ කරොත් ඉර එළිය සෞම්‍යව වැටෙන නියම වෙලාවට කදු මුදුනට යාගන්න පුළුවන්-ඒ වගේම කදු මුදුනේ අනෙත් පසට කඩුගන්නාව,අලගල්ල කන්ද,සරදියෙල් ගල වගේ කදුවැටි දිස්වෙනවා.මේ කොයි පැත්තට උනත් ඇත්තටම ලස්සනයි.

සමීපයේ තියෙන ගහකින් කොළයක් කඩාගෙන ඒක ආධාරයෙන් ගොට්ටක් හදාගෙන සීතල දිය බිඳක පහස විඳගන්නත් අපට මේ කදු මුදුනෙදි  හැකියාව ලැබෙනවා.මොකද ඉතින් සුළං කපොළු වගේම පුංචි දිය කඩිත්තකුත් ගල් බෙනයක් ඇතුලෙ පිහිටලා තියෙනවා.හරිම නැවුම් ඒ වගේම පිරිසිදු ජලය-මම විඳගත්ත සොඳුරු අත්දැකීම විඳගන්නනම් පුංචි සීගිරියට  ඔයාලටත් එන්නම වෙනවා.

ඉතින් අනිවාර්යයෙන්ම මව්බිම තුරු සමඟ සොබා සිරි අසිරි විඳගන්න ඔයාලට බතලේගල කඳු තරණයට ආරාධනා කරනවා.මොකද ලස්සක අද්දැකීමතක් වේවි.මේ කොහෙමෙ උනත් පරිසරයේ සුන්දරත්වය විඳින ගමන්ම ගමනේ  තියෙන භයානක අනාරක්‍ෂිත තැන් වලදි අිරක්‍ෂා වෙන්න.ඒ වගේම තවත් කෙනෙක්ට මේ අත්දැකීම විඳගන්න සුන්දර බතලේගල ආරක්‍ෂා කරන්න   

                                                                  NG......☺️👣
              

  

ආදරණීය ammi....

පළමු    මතකය

                             
                                             මගේ කුසේපුංචි පැටියෙක්.මේ ලස්සන වචන විවාහයට පත් නව යුවලකගේ ඊලඟ බලාපොරොත්තුව.අලුත ගෙනා මනමාලි මුලු ගෙදරම කලඑළි කරන දවස.මෙන්න මේ ආරංචියත් එක්ක හැමෝගෙම ආදරය ලබපු කෙනා පුංචි පැටියෙක්ට ආදරය බෙදන පෙර නිමිති පහළ වෙනවා.ජීවිතේ හරි පරිස්සමින් ගත කරන්න අවශ්‍ය කාලයක් මේ එක්කම උදා වෙනවා.මේ කාලෙදි වටේ ඉන්න අයගේ ආදරය තිබුණටත් වඩා අවශ්‍ය වෙන්නෙ මෙන්න මේ නිසයි.

කාලෙත් එක්ක ජීවිතේ සිදුවන හැම වෙනස්වීමකටම අවශ්‍ය වෙන්නෙ ධෛර්ය.කතාවක් තියෙනවා ගැහැණියක පිරිමියකු තරම් ශක්තිමත් නැහැ.හැබැයි ගැහැණියකගේ හිත පිරිමි හිතකට වඩා ගොඩක් ශක්තිමත් කියලා.ඒ හේතුව නිසාමයි විඳ දරාගැනීම් බොහෝමයක් ඒ හිත ඇතුලේ හරි උපේක්‍ෂාවෙන් අපේ අම්මලා සඟවාගෙන ඉන්නේ .අපි කාගෙත් ජීවිතවල සිදුවන වෙනස්වීම් විවිධාකාරයි.හරියට ගංඟාවක් වගේ-ගල් මුල් වලගොඩැලි අතරමඟ.මේ දේවල් මගහැරගෙන ලතාවකට ගලායන එකයි ජීවිතේ කොයි මොහොතක අපේ ජීවිතවලට බලාපොරොත්තු නොවුන දේවල් ලැබෙයි ද අපි දන්නේ නෑ.

මගේ කතාවත් අන්න ඒ වගේ.මම හිතන විදියට සතුට අතර දුක සැඟවිලා තිබුණ කතාවක්උ.පේක්‍ෂාවෙන් ධෛර්යයෙන් ජීවිතයට මුහුණ දුන්න කතාවක්.

මේ වෙනකොට මගේ පුංචි පැටිය කුසට ඇවිත් මාස හතයි-එයා දැන් හරි චන්ඩියෙක් වෙලා.අම්මගෙ නින්ද හරි හරියට උදුරගෙන.රෑ යාමේ මගේ පුංචි පැටියට නිදාගන්න බෑ කියලා මාව ඇහැරවනවා.කොහොම  උනත් මේ දඟකාරකම් අතරෙ මම මගේ මහ ගෙදරට ආවා.ඒ මගේ ආදරණීය සැමියගේ නිවසට පුංචි පැටියෙක් වඩාගෙන නැවත එන බලාපොරොත්තුව ඇතිව.ඒ වගේ ම කුඵඳුළේම ඉපදෙන මගේ පැටියට මහගෙදර චාරිත්‍ර ඉටු කරන්න .මේවිදියට මහගෙදරට ගිය මට අම්මගේ ආදරය රැකවරණය නොඅඩුව ලැබුණා.පුංචි දුවක් වෙලා අම්මගෙ තුරුලේ ඉදලා ලබපු ආදරය ඒ විදියටම මමත් මගේ දු පොඞ්ඩ කුසේ දරාගෙන අද ආයෙමත් ලබනවා.කාලය හරිම සුන්දරයි.උදේට ලැබෙන දිය බත උණු උණුවෙම ලැබෙන මගේ දවල් ආහාරය ඒ විතරන් ම නෙවෙයි සුවඳ හමන එක එක විදියෙ කෑම වර්ග අඩුවක් නැතිව මට ලැබුණා-හරියට ම මම ආයෙමත් පුංචි කාලයට ගියා වගේ-ඒ තරමටම පරිස්සමක් මට ලැබිලා.

මගේ පුංචි පැටියට අහන්න එයාගේ අත්තම්මා කවි කියනවා.ඒ කවිවල තාලයට ද මන් දා මගේ පැටියා එයාගේ පුංචි කකුල් හෙමිහිට හෙමිහිට මගේ කුසට තද කරනවා.අම්මා කෙනෙක් වෙනවා කියන්නෙ ජීවිතේ මොන තරම් සතුටක් ද කියලා මට හිතුනා.මේ විදියට මහගෙදර ජීවිතේ සතුටින් ගෙවුනත් මගේ සැමියගේ ගෙදරින් ටික කාලයකට හරි ඈත් වුන එක ගැන ලොකු දුකක් හික ඇතුලෙ රැදිලා තිබුණා.

ගෙවිලා යන කාලෙත් එක්ක ම මගේ පුංචි පැංචි මේ ලෝකේ එළිය දකින දවසත් ලඟා වුනා.හරියට ම ඒ නොවැම්බර් 21 පුංචි පැංචි මගේ දෝතට ආවා.මේ පුංචි රෝස මලත් එක්ක ම මගේ ලෝකය තවත් ලස්සන වුනා.ඒ කියන්නේ අපේ පුංචි පවුල සම්පූර්ණ උනා.මේ අපූරු සතුට හැම අම්මා කෙනෙක්ටම දැනෙනවා ඇති.ඇත්තටම ඒ අපූරු වේදනාත්මක අත්දැකීමක්.කොහොම උනත් දරුවා ලැබෙන්න හිටපු කාලේ සාමාන්‍ය විදියට වැඩපල කරපු නිසා හොඳට ඇවිදපු නිසා ඒ විතරක් ම නෙමෙයි මගේ වැඩ බොහොමයක් මමම කරගත්ත නිසා දරුවා ලැබෙද්දි හිත බය කරගන්න කාරණාවක් තිබුණෙ ම නෑ.ඒ හැමදෙයක් ම නිසා තුණුරුවනේ ආශිර්වාදයත් එක්ක පුංචි රෝස පාට දු සිඟිත්තියක් මගේ දෝතට ආවා.

මව් පදවිය කොයි තරම් උතුම් ද අම්මා කෙනෙකුගේ වේදනාව කොයි තරම් ද මේ දේවල් ලබන්න අම්මා කෙනෙක් වෙන්න ම ඕන .මේ මට දැනුන පළමු හැඟීමරෝහලේ ගතකරපු දින දෙකකට පස්සේ මම මගේ පුංචි රෝස මලත් අරගෙන ආයෙමත් මහගෙදරට ආවා.ඒ පුංචි පැංචිගේ චාරිත්‍ර ඉටු කරලා සැමියගේ නිවසට මාසයකින් දෙකකින් යන බලාපොරොත්තුවෙන්-පුංචි පැටියව නාවගන්න කිරිටික හරියට දීගන්න විතරක් ම නෙමෙයි අඩුපාඩුවක් නැතිව මගේ පැටියව ලොකු කරගන්න මගේ අම්මා මගෙ ළඟ හිටපු එක මට ලොකු ශක්තියක් උනා.ජීවිතේ සාමාන්‍ය විදියට ගෙවිලා ගියා.අම්මගෙන් ලැබුණ ශක්තිය වගේ ම මමත් හැමදෙයක් ම තනියම කරගන්න උත්සාහ කළා.කොහෙමෙ උනත් දු පැටියා කුසේ දරාගෙන හිටපු කාලයටත් වඩා වැඩි ආරක්‍ෂාවක් මට මේ කාලෙදි අම්මගෙන් ලැබුණා-නිතර ම ඒ මුවින් පිටවුන වචන වලින් මට ඒ ආදරය දැනුනා.කු`ඵඳුළේම ඉපදුන දරුවනේ පරිස්සම් වෙන්න මගෙ පුතේ.

ජීවිතේ අපි නොපතන දේවල් අපට ලැබෙන්නේ අපි නොහිතන වෙලාවටමයි කියලා මට විශ්වාස කරන්න සිදු උනේ මේ අතරවාරයෙදි.ඒ මගේ සෙවණැල්ල වෙලා මගේ ළඟින් හිටපු අම්මගේ අසනීපයත් එක්ක.

හරියට ම පුංචි පැටියට මාසයයි-.පුංචි පැටිය මගෙ උණුසුමට තුරුඵ වෙලා නින්දත් නොනින්දත් අතර-හිටි හැටියෙම ඇසුනෙ මහ විලාපයක්.වෙන කවුරුත් නෙමෙයි ඒ මගේ ආදරණීය අම්මා.උන්හිටි තැන් අමතක උන මම පැටියව තුරුඵ කරගෙන මිදුලට දිව්වා.දෙවියනේ මගේ අම්මා පුංචි පැටියගෙ කිළිටු රෙදි ටික ගෙට ගන්න  ගිහින් ලේ විලක් මැද ඇද වැටිලා.මම මහ හයියෙන් විලාප තිබ්බා.මේ කලබලේට පුංචි පැටියා මහ හයියෙන් අඬනවා-දෙවියනේ මගෙ අම්මා .සැමියා නැති අඩුව තදින් ම දැනුනෙ මේ වෙලාවෙදි.මොකද ඔහු ගුවන් හමුදා නිළධාරියෙක් නිසා අපි ළඟ නිතරම රැඳෙන්න අවස්ථාවක් ඔහුට තිබුණෙ නෑ.මගේ විලාපයට දුවගෙන ආව තාත්ත අම්මවත් බොහොම අමාරුවෙන් උස්සගෙන පාරට දිව්වා.මොනවා උනාද මොනවා කරන්න ද කියලා හිතාගන්න බැරිවුන මම ගල් ගැසිලා වගේ බලාගෙන හිටියා.

දෙවියන්ගෙ පිහිටෙන් මගේ අම්මා බේරුනා-හැබැයි රෝහලේ ගතකරන්න වෙන කාලය මෙතෙකැයි කියලා කියන්න බැරි බවත් දැනගන්න ලැබුණා-දරුවෙක් ලබපු අම්මා කෙනෙක් කියන්නේ සාමාන්‍ය විදියටනම් වැඩපල ටිනන් අඩුවෙන් කරන කෙනෙක්-ඒ උනත් මම වෙනදටත් වඩා කාර්යබහුල උනා.පුංචි පැටියගෙ වැඩ විතරක් ම නෙවෙයි ගේ දොර සිය`ඵ වැඩ මගේ අතින් සිදු උනා-කෑම බීම පිළියෙල කිරීම වෙලාවට කලාවට   මගේ අම්මට රෝහලට කෑම බීම යවන එක මේහැමදේම  මගේ අතින් සිදු කලා.දැනෙන දුක වේදනාව තනිකම  කොයි තරම් උනත් පුංචි පැටියගෙ නාමයෙන් ඒ හැමදේම ඉවසන්න මම පුරුදු උනා

ඒ කියන්නේ මගේ අම්මා රෝහල්ගත උනේ ගොඩක් දරුණූ තුවාල දෙකක් එක්ක.

ජීවිතයට ධෛර්යය මොන තරම් වැදගත් ද කියන දේ මට හොඳින් ම දැනුනා.දරුවො ලබපු අම්මා කෙනෙක් කියන්නේ සාමාන්‍ය විදියටනම් වැඩපල ටිකක් අඩුවෙන් කරන කෙනෙක්.ඒ උනත් මම වෙනදටත් වැඩිය කාර්යබහුල උනා.පුංචි පැටියගෙ වැඩ විතරක්ම නෙවෙයි ගේ දොර වැඩ කෑම බී මපිළියෙල කරන දේවල් වෙලාවට කලාවට මගේ අම්මට රෝහලට කෑම බීම යවන දේවල් මේ හැමදේම මගේම අතින් කරන්න පුරුදු උනා.සියල්ල උපේක්‍ෂාවෙන් දරාගන්න පුරුදු උනා.මේ අතරවාරයේ මගේ ම ආදරණීය සැමියගේ ගෙදර යන්න සිය දහස් වාරයක් සිතුනත් තාත්තව තනිකරලා දාලා යන්න මගෙ හිත මට ඉඩ  දුන්නෙ නෑ-දෙමාපියෙක් අසරණ උන වෙලාවක දරුවෙක් නැත්නම් ඒ දරුවගෙන් ඇති ප්‍රයෝජනය මොකක්ද -මගෙ හිත නිතරම කීව දේ.

ජීවිතේ ඕනම දෙයක් කරන්න ශක්තිය නෑ කියනවට වඩා ඒ ශක්තිය අමාරුවෙන් හරි ගොඩනගා ගන්න පු`ඵවන්නම් ඒ තමයි ජීවිතේ-මේ හැමදේම ජීවිතයට ලැබුන අභියෝගත් එක්ක මම ඉගනගත්තා.සාමාන්‍ය දරු ප්‍රසූතියකින් පසුව බොහෝමයක් මව්වරු මාසයක් දෙකක් ගතවන තුරුම වැඩපලක් නොකර සිටීමට උත්සාහ ගන්නවා.හැබැයි තමන්ගෙ ආරක්‍ෂාවකත් සළසාගෙනම වැඩපල කරගන්න පුරුදු වෙන්න-එහෙම කළොත් හැම අම්මා කෙනෙක්ටම තමන්ගෙ සාමාන්‍ය ජීවිතයට බෙහොම ලෙහෙසියෙන් පුැරුදු වෙන්න හැකියාව ලැබෙනවා-

ජීවිතය සැම විටම රෝස මල් යහනාවක් නොවේ-මේ කතාවේ සත්‍ය හොඳහැටි තේරුම් ගන්න ලැබුණා ඒ මගෙ ජීවිතයට ලැබුණු මේ අත්දැකීම් නිසා.මේ හැමදෙයකටම හිත හයිය කරන් මුහුණ දෙන්න සැමියගෙ වචන පුදුම තරම් ශක්තියක් වුනා.මොකද මේ වගේ වෙලාවක මම මනස අවුල් කරගත්තනම්ලමම රෝගියෙක් වුනානම් පුංචි පැටියත් අසනීප වෙන්න ඉඩ  තිබුණා.මේ නිසා මම ධෛර්යයෙන් ජීවිතයට මුහුණ දුන්නා.

යුද්ධ කාලයෙදි පුංචි පැටව් කුස දරාගෙන හිටපු අම්මලා කී දෙනෙක්ටනම් තමන්ගෙ ආදරණීය සැමියා අහිමි උනා ද තමන්ගෙ පැටියගෙ මුහුණවත් නොදැක කී දෙනෙක්නම් සදහටම දෙනෙත් පියාගත්තද?ඒත් ඒ කාන්තාවෝ තමනගෙ දරුවො අනාථ කළේ නැහැ හරි අපූරුවට උස් මහත් කලා-ඒ ඔවුන්ගේ  හිතේ ධෛර්යයෙන්.මේ නිසයි අපි අපේ ජීවිතවලට එන අභියෝග උපේක්‍ෂාවෙන් ඉවසීමෙන් දරාගන්න සිදුවෙන්නෙ.

ජීවිතේට ලැබෙන ප්‍රශ්නත් එක්කම ජීවිතේ සාර්ථකව ගෙවන්න උත්සාහ කරන්න.ඒ වගේ ම සැමවිටම ආගම දහම තමන්ගේ ජීවිතයට ලඟා කරගන්න.ඒ දේවල් පෑරුණ සිත් සනසනවා අනිවාර්යයි.

ඉතින් අද වෙනකොට මගේ පුංචි පැටියට මාස පහයි-ඒ වගේ ම එයාගේ අත්තම්මා ආයෙමත් සුවය ලබලා ගෙදර ඇවිත් .මම දැන් ඉන්නේ මගේ සැමියගෙ ගෙදර ගොඩක් අමාරු කාලයකට උපේක්‍ෂාවෙන් මුහුණ දුන්න නිසා ජීවිතේ සතුට ආයෙමත් අපි අතරට ඇවිත්

                                                             
                       ඇගේ මතකය සටහන් කළේ  NG ☺️..📝

නාසා ආයතනය පිටසක්වල ජීවින්ට යැවූ සාම පණිවිඩයේ සිංහලබස ඇතුළු කලේ ඇයි ?

       හෙළ ජාතිය පිටසක්වලින් පැමිණි ජාතියක් නිසා ඇමරිකාවේ නාසා ආයතනය පිටසක්වල ජීවින්ට යැවූ සාම පණිවිඩයේ දෙවැන්නට සිංහල බස ඇතුළු කළේය. එයට බලපෑ ප්‍රධානතම කාරණය වූයේ ලාංකිකයන් ලෙස අප පිළිනොගත් රාවණ තාක්‍ෂණය ඇමරිකානු Area 51 පර්යේෂණ තුළින් සනාථ කර ගැනීමයි.

අපට රාවණ යුගය මිත්‍යාවක් වුවත් එය දිනෙන් දින නව තාක්‍ෂණය සොයා යන පංච මහා බලවතුන්ට නම් මිත්‍යාවක් වූයේ නැත. විශ්වය පුරා දියුණු ජීව වර්ග හය දහසකටත් අධික සංඛ්‍යාවක් ජීවත් වන බව මේ වනවිට සොයාගෙන හමාරය. රාවණ පරපුර නැතහොත් සූර්යයාගේ සිට පැමිණි පරපුර පෘථිවියට පැමිණියේ ඇල්නිලම් යන තාරකාවේ සිට බවට විශ්වාසයක් පවතී. ඇල්නිලම් තාරකාව යනු ක්‍ෂිතිජය පුරා විසිර ඇති තරු රටා අතර පිහිටි දඩයක්කාරයා නැතහොත් ඔරායන්ගේ බඳ පටියේ මධ්‍යයේ ඇති තාරකාවයි. පහත රූපය බලන්න.

ඔරායන් යනු හෙළ වදනකි. එනම්, ඔ=ඔහු, රා=රාවණ, යන්=යන්, ඒ අනුව ඔරායන් යනු “ඔහු රාවණයන්” යන්නයි. අද යුරෝපීයයන් එය දඩයක්කාරයා ලෙස හඳුණාගෙන සිටියත් ඔරායන් තාරකා රාශියේ සිටින්නේ ශ්‍රී රාවණයන් ය. බලන්න ඒ දඩයක්කාරයා තාරකා රාශියේ ඇති සිංහයා සහිත පළිහ, ඉන් පෙනෙන්නේ හෙළ ජාතිය පිටසක්වලයන් විසින් ආරක්ෂා (පළිහෙන් නිරූපනය කෙරෙන්නෙ ආරක්ෂාව) කරන බවයි. එනයින් අපගේ හෙළයින්ගේ අභිමානය පිටසක්වලයන් විසින් මුළු විශ්වයටම ශපථ කරයි.

අදින් වසර දසදහස් ගණනකට පෙරදී මෙම බඳ පටියේ පිහිටි තරු නැතහොත් ග්‍රහලෝක තුන ත්‍රිකෝණයක අයුරින් පිහිටා තිබුණි. අද වනවිට ඇල්නිලම් ග්‍රහලොව දෙපසින් පිහිටි ග්‍රහලෝක දෙකේ චුම්භක බලය මත එක පෙළකට පිහිටා ඇති බව විද්‍යාඥයන් සොයාගෙන ඇත.

මෙම ත්‍රිත්ව ග්‍රහලෝක තුළ එකම ජීවී විශේෂයක ජනපද පිහිටි අතර එක්වරම ප්‍රබල පිටසක්වළ ආක්‍රමණයකට ඔවුනට මුහුණ දීමට සිදුවිය. දිගින් දිගට පැවති මෙම ආක්‍රමණකාරී තත්ත්වයන් මත එම ග්‍රහලෝකවල පරිසර පද්ධතිය බොහෝසෙයින් බිඳවැටුණි. ඇල්නිලම් ග්‍රහලොවේ පරිසර පද්ධතිය පෘථිවි පරිසරයට වඩා වසර හැටකින් පමණ ඉදිරියෙන් පවතී. එසේම එය මියදෙමින් පවතින ග්‍රහලෝකයක් බවට පත්ව ඇත

ඇල්නිලම් ග්‍රහලෝක වැසියෝ(බුදු බණට අනුව ආහස්වර දෙව්ලොව) තම බිඳ වැටෙන ග්‍රහලොව රැකගැනීම උදෙසා නව ක්‍රමවේද සෙවූහ. හෙළ රාවණ පරපුර බිහිවන්නේ එලෙසය.හෙළ රාවණ යනු ආභස්සර භ්‍රහ්මයක් බව රන්දිවට අනුව ඔප්පු වෙයි. පෘථිවිය යනු ජීවී ග්‍රහලොවක් වුවත් දියුණු ජීවී පරපුරක් සිටියේ නැත. ඩයිනෝසර් වැනි මාංශ භක්‍ෂක අති විශාල ජීවීන් විනාශ කර දැමීමට ඇල්නිලම් නම් පිටසක්වල ජීවීහු කටයුතු කලේ දැවැන්ත න්‍යෂ්ඨික පිපිරීමක් සිදු කිරීමෙනි. මෙම පිපිරීමෙන් ජීවී විශේෂ බහුතරයක් විනාශ වී ගිය අතර ඉන් වත්මන් ඇමර්සන් ප්‍රදේශය අශ්‍රිතව වෙසෙන සත්ත්ව විශේෂ බොහොමයක් සුරක්‍ෂිත විය.

මෙම ඉතිරි වූ ජීවීන්ගෙන් තෝරාගත් සත්ත්ව විශේෂයක ජාන මඟින් නව මිනිස් විශේෂයක් බිහිවිය. ඒ අද අප කතා කරන පෘථිවිවාසීහුය. ඇල්නිලම් පිටසක්වල ජීවිහූ තම පෘථිවි ශිෂ්ඨාචාර ගොඩනැගීමේ ක්‍රියාන්විතයේ මූලස්ථානය ලෙසින් පවත්වාගෙන ගියේ හෙළ දීපයයි. එයට බලපෑ ප්‍රධානතම හේතුව වූයේ එකළ භූමි පිහිටීම අනුව පෘථිවියේ මධ්‍යය ලක්‍ෂය හෙළ දේශය තුළ පිහිටීමයි.

අනෙක් කරුණ වූයේ හෙළ ද්වීපය තුළ ඉහළට හා පහළට ශක්තිය ගමන් කරනා විශ්ව බල කේන්ද්‍ර දෙකක් පැවතීමයි. මේ හරහා විශ්වයේ සිට පැමිණෙන යානා වලට ලේසියෙන් පැමිණීමට හැකි වීමත්, පිටව යනවිට ලෙහෙසියෙන් පිටව යාමට හැකියාව පැවති බවටත් විශ්වාස කෙරේ.හෙළ රාවණ පරපුර යනු එලෙස බලන කල ඇල්නිලම් ග්‍රහලොවේ සිට පැමිණි ජීවීන්ගේ ව්‍යාප්තියකි.හෙළ අසුර අධිරාජ්‍යයේ ව්‍යාප්තිය හරහා ලොව පුරා ශිෂ්ඨාචාර ගොඩනැඟුණු බව පෙර රාවණ ලිපි වලින් අප කතා කලෙමු. පෘථිවිය ජනාවාස වීම හා මිනිස් පරිණාමවාදය පිළිබඳ මෙතෙක් පැවති මතවාදයන් බිඳ වැටී වෙනස්ම කතාන්තරයක් කරළියට පිවිස ඇත.

මේ කතාවට පදනම සැකසෙනුයේ ලොව බලවත් රටවල් පහ එක්ව හොර රහසේ පවත්වාගෙන යන පිටසක්වල ජීවින්ගේ සබඳතා පිළිබඳ තොරතුරු සාමාන්‍යය මිනිසුන් වෙත ගලා ඒමත් සමඟය.පිටසලක්වල ජීවින් පිළිබඳ පරීක්‍ෂණ පැවැත්වුනු මුල් කාල වකවානු වල විශ්වයට පණිවුඩ යවමින් ඔවුන් හා සබඳතා ගොඩනැඟීම්ට උත්සහ ගත් ඇමරිකාවේ ඒරියා 51 පරීක්‍ෂක කණ්ඩායම් අවදානමක්ද අතට ගෙන කටයුතු කළහ. ඒ විනාශකාරී පිටසක්වල ජීවී කාණ්ඩයක් පැමිණියහොත් යන ගැටලුවය. ඒ සඳහා පරමාණු අවි භාවිතා කල හැකි වේ යැයි සිතා පෘථිවි කක්‍ෂයට ඔවුන් පිවිසෙන අවස්ථාවේදීම පුපුරුවා හැරීම ඒරියා 51 කණ්ඩායම් වල ඉලක්කය විය. එහෙත් එය මහා විහිළුවක් බව ඔවුනටම පසක් වූයේ ආලෝක වර්‍ෂ ගණනක් පැමිණීමට තරම් දියුණු තාක්‍ෂණයක් සහිත ජීවී විශේෂයකට පරමාණු ශක්තිය යනු රතිඤ්ඤාවක් තරම්වත් වැදගත් නොවන දෙයක් බව පසක් වීමත් සමඟය.

                                  (අයිතිය  රොන්සූරා සතුයි )📝.

නිර්වාණය

"ජීවිතය පිලිබඳ මා ලියූ

සැබෑ කවිය නුඹ විය

හිස් වචන පෙලක් මෙන් නොවේ

පියවි දෑස ළඟ සත්‍ය යතාර්ථය ද නුඹ විය"

"බලාපොරොත්තු

සිනිදු මල් පෙතිව පරවුනිය

කඳුළු බිදු හදවතේ හැඩය ගති

වසන්තයට පසු ගිම්හාන සේ

ශෝකය නිතර මා සොයා ආවේය

එවිට ,

'ජීවිතය නම් මෙයයි 'කියා දුන්නේ නුඹය

නුඹේ බැල්මෙන් ආත්මය සංසිදිනි

සිතුවිලිද සමනය විය"

"හුදෙකලා යහන මත වැතිරගෙන

මා නිතර නුඹ ගැනීම සිතන විට

මාගේ සිත නිශ්චලව

විශ්වය හා එක්වෙයි

අපරිමිත සැනසුමක් මට දැනෙයි

පැරණි උපනිශද් ග්‍රන්ථවල එන

පාර ලෞකික  විමුක්තිය නම් මෙයද?"

"කොපුල් තල උණුසුමින් සිඹ වැළඳ

තුටින් නෙතු කෙවෙනි තුළ එබීගෙන

මා මෙතෙක් සෙවුවේ එයයි

සබඳ,

නුඹ මගේ නිර්වාණයයි!"

       
                                                           ජානු.. 

සමලිංගික ප්‍රේමය 

                             සමලිංගික ප්‍රේමය ගැන කියවෙන තවත් පද ගැලපුමක් කපුගේ සහ දිවුල්ගනේ ගයන ' රුවක් ඇදෙනවා' ගීතය. මේක ලිව්වේ මහින්ද දිසානායක.  

රුවක් ඇදෙනවා...කව්දෝ එනවා..

 මීවිත ඇදිරිය දෑස වසනවා...

 හද පොදි බැදි දුක දිය කර පා කර 

ඔබේ ලොවට මා මොහොතින් එනවා..

සොදුරු යොවුන් විය මල් මග මුල හිද 

කිම තොල මී විත පොගවන්නේ...

 නුරා විරහ ගිනි නිවා දමන්නයි 

සුරාවකින් මා දෙතොල තෙමන්නේ

නැගුනු නුරා ගිනි මී පොද වැටිලා 

හතර අතින් දලු ලා එනවා...

අවන්හලේ මී විත තනි කරලා

 වරෙන් මලේ පියවර නගලා.. 

පිරිමි දෙදෙනකු ගයන මේ ගීතය අවසානයේ ලිංගික ආරාධනාවක් තියෙන්නේ.. 

ආදර මල් වල...... පාට කියන්නද 

ඒ වගෙ ලස්සන තව නෑ 

ඒ වගෙ ලස්සන තව නෑ  

මීදුම් පිණි පොද දෑස වසන් කළ 

සමනල් සිහිනය පිපුනා

සමනල් සිහිනය පිපුනා

දේදුණු රේඛා දෑසම තවරා 

තවමත් මල් සිත බලා සිටිනවා

මීදුම තවරා සුළඟට 

ඈතක සගවා තුන් සිත 

දෑස හොරෙන් ඈත සොයනවා 

අඳුර මැදින් එන්න සඳලියේ 

දේදුණු සායම දෑසම බොද කර 

මාලති යායක හැලිලා 

මාලති යායක හැලිලා 

 සීතල හිම කඳු යාය පියමැන

 දෙව්ලිය සිහිනෙක වැඩියා

 දෙව්ලිය සිහිනෙක වැඩියා 

                            කසුන් කල්හාර සහ ඉන්ද්‍රචාප ලියනගේ ගයන ආදර මල්වල පාට කියන්නද ගීතය සම්බන්දයෙනුත් ඇතැම් විචාරකයන් මේ සමලිංගික ප්‍රේමයක් හා විෂම ලිංගික ප්‍රේමයක් අතර ගැ‍ටුමක් කේන්ද්‍ර කරගෙන ලියුවක් බවට අදහස් පල කරනවා.   මේයද පිරිමින් දෙදෙනකු විසින් ගායනාකරන නමුත් මේ ගීතය සංකීර්ණ අරුත් දනවන්නක් බැවින් මේ කියැවෙන්නේ සමරිසි ප්‍රේමයක් දැයි නිසැකවම තබා උපකල්පනයක් හෝ දිය නොහැකියි.  මේ ගීතයේ පද අතර ඇති 'දේදුණු' , සමලිංගිකත්වය සංඛේතවත් කරන දේදුණු වර්ණ ධජය හා පැටැලැවී තිබීමක් නිසා මේ සමරිසි ගීතයක් යැයි ඇතැම් අය නිසැක ලෙස අදහස් පල කළත් මේ තවදුරටත් විමසිය යුතු අපූර්ව ගීත නිර්මාණයක්...    ලංකාවේ විශේෂයෙන්ම රූපරචනයන් සහිතව ඉදිරිපත් කරනු ලබන බොහෝ ගීත නිර්මාණයන් වල තිබෙන පොදු ඛේදවාචයක් ගැනත් යම් සටහක් තැබිය යුතුයි.   මොකද අපි අහන දකින ගී නිර්මාණවල රචකයන් ඇත්තටම ඒ නිර්මාණය මඟින් පවසන්නට තැත් කළ දේට වඩා හත්පසින්ම වෙනත් කතාවක් එම ගී රූපරචනයන් මගින් ඉදිරිපත් කරනවා.   මේ නිසා ගීත රචකයන් අදහස් කළ දෑ විකෘත වෙලා. මේ නිසා රූප රචනා සහිතව ගී රස විඳීමත් අද කාලයේ රසිකයන් නොමඟ යැවීමක් බවට පත්වෙලා

                                                                                                                       NG☺️..📝

Online ජීවිත

කාලයත් එක්ක මිනිස්සුන්ගේ ජීවිතත් වෙනස් වෙලා.ඒ හරි ඉක්මනින් තාක්ෂණය එක්ක.අද වෙනකොට හැමෝම පුරුදු වෙලා ඉන්නෙ mobile phone එක්ක බැදුණු ජීවිත ගතකරන්න.ලංකාවේ ජනග්‍රහනය එක්ක බලපුවාම ඒ ජනග්‍රහණයට වඩා වැඩියි තිබෙන mobile phobe ගනන.ඊටත් වඩා මේ දේවල් use කරන වැඩි දෙනා කරන්නේ අවශ්‍ය දේවල් වලට වඩා අනවශ්‍ය දේ.තමන්ගේ වටිනා කාලය නිකරුණේ අපතේ යනවා කියලා කිසිම කෙනෙකුට තේරෙන්නෑ මොකද ඉතින් වියදමක් හානියක් කියලා දෙයක් පේන්න නෑ.හැබැයි data කියන්නේ සල්ලිම තමයි .
                             වෙනස් වෙන ලෝකයට සමානව අපිත් වෙනස් වෙන්න ඕන.ඒත්  එහෙමයි කියලා අපේ වටිනා දේවල් නැතිකරගන්න හොඳ නැහැ .අර කතාවක් තියෙනවා පිටින් එන සුළගට නිවස තුලට එන්න ඉඩ දෙන්න ඒත් ඒ සුළගට ඔබේ වටිනා දේවල් අරගෙන යන්න දෙන්න එපා.අන්න ඒ වගේ තමයි .අපේ සංස්කෘතිය හරි අමුතුයිනේ.අලුතින්  එන ඕන දෙයක් දෝත බදලා බාර ගන්නවා.කිසිම හෙවිල්ලක් බැලිලක් නැහැ .ඒ තමයි අපේ හැටි .face book,you tube, හැමෝගෙම හොදම යාලුවො වෙලා.වරදක් නෑ.අපි කියලා ළිං මැඩි සංස්කෘතියක ජීවිත් වෙන්න ඕන නැ.එතකොට මොකක්ද වරද.වරද තේරුම් ගන්න ඕන අපිමයි.වරදක් නොවෙන්න වැඩ කරන්න ඕනෑ අපිමයි.එහෙම නැතිනම් අපි විනාශ වෙන්නෙ සමාජයම වෙනස් කරගෙන හරියට ඔඩු දුවන පිළිලයක් වගේ.
                         දෙමාපියන් දරුවන් හදුනන් නැති බැදීම්වල වටිනාකමක් නොදන්න මිනිස්සු බිහිවෙයි.එහෙම කියන්න හේතු සාධක ඕනි තරම් තියනවා.පුංචි හේතුවක් මං මතක් කරලා දෙන්නම්.මේ අපේ හොඳම යාලුවා නිසා උන සිදුවීමක්.ඒ face book .  face book නිසා හමුවෙන්නෙ ගොඩක් නොදන්නා අය.ඒත් ඒ සම්බන්ධකම් දුර දිග යන්නේ හරි  ඉක්මනින් .මේ විදිහට මුණගැසුණු දෙන්නෙක් පටන්ගත්ත යාලුකමකුත් දුර දිග  ගියා.ටික කලෙකින් මේ  සම්බන්ධකම පෙරලුණා ආදරයකට.ඊලඟට ඉතින් උනේ මොකක්ද කියලා අමුතුවෙන් කියන්න ඕන නැ.මේ දෙන්නා තීරණය කලා මුණගැසෙන්න.ඒත් අන්තිමේ සිදුවුනේ පියාට තමන්ගේ දියණිය මුණගැසෙන්න.දියණියට තමන්ගේ පියා දකින්න.හිතාගන්නවත් පුලුවන්ද මේ උන දේට කොහොමනම් මුහුණ දෙන්නද කියලා.මේ නිසා තාක්ෂණය තමන්ගේ ජීවිතයට ළඟා  කරගන්න.හැබැයි බුද්ධියට ඔබේ ජීවිතයෙන් පලා යන්නට නොදී.

                                                                      NG☺️..📝

       

         සිත් මවිත කළ   අත්භූත ස්ථාන 

                            

                                    1.බර්මියුඩා ත්‍රිකෝණය
දූපත් තුනක් එකට යාකොට පිහිටා ඇති මෙම ප්‍රදේශය අභිරහස් ප්‍රදේශයක් ලෙස සැලකෙන්නේ එම ප්‍රදේශය තුලින් ගමන් කර ඇති සමහරක් නැව්, බෝට්ටු පමණක් නොව ගුවන් යානා පවා කිසිදු තොරතුරක් නොමැතිව අතුරුදහන් වීම නිසයි.විදුලි උපකරණ ක්‍රියාවිරහිත වීමේ ප්‍රවණාතාවක් මෙම ප්‍රදේශය තරණයේ දී දක්නට ලැබෙන අතර. ඇතුලත සිටින පිරිස් හට අවට ලෝකය සමග සන්නිවේදනයේ පවා ගැටලු මතුවේ. දූපත් 7ක් මෙම ප්‍රදේශයේ පිහිටා ඇති අතර, ඉතා කුඩා දුපත් 150 පමණ දක්නට ලැබේ. මෙහි ඇති බර්මියුඩා දූපත විශාලම දූපත වනතර එය දැනට මහා බ්‍රිතානයේ යටත් විජිතයක් ලෙස පවතී.
                        2.මෝගුයේචෙන් / රාක්ෂ නගරය
මෙම නගරය චීනයේ සින් යැන්ග් ප්‍රාන්තයේ පිහිටා ඇති අතර එයහි වර්තමාන ස්භාවය අනුව දැනට මෙය කාන්තාරකාරි ස්භාවයක් ගනි. මෙහි ඇති අපූරත්වය නම්. යම් කිසි කෙනෙකු මෙම නගරයේ බලකොටුව දෙසට සක්මන් කිරිමේදී මද සුළග හමන වෙලාවට එකී පුද්ගලයාට ඇතීන් ඉතා මිහිරි නාද ඇසීමට පුලුවන ඒවා ගිටාරයක තත් එකිනෙක පිරිමැදීමේදී නැගෙන කන් කලු නාදයට හෝ ගෙජ්ජි සෙලවීමේදී නැගෙන නාදයට ශබ්ද රසයෙන් සාමානවේ. නමුත් වා සුළි නැගෙන කාලයන්හි මෙහි එම ශබ්දය ඉතා ගුප්ත භයංකාර නද නිකුත් කරන අතර එම ශබ්ද කොටියෙකුගේ බිහිසුණු ශබ්දයටද, මරළතෝනී නගන ගැහැනියෙකුගේ හෝ ඌරෙකු ඝාතනයේදි නැගෙන ශබ්දයට සමානවේ. රාත්‍රි කාලයේදී හිරි ගඩු පිපෙන ආකාරයේ ශබ්ද නිකුත් කරන මෙම අඩවිය කවුරුන් විසින් ගොඩනගන ලැදැයි තවම අභිරහසකි.
     3.උතුරු අප්‍රිකාවේ පිහිටා ඇති යෝධ පිරමීඩ
මෙම යෝධ පිරිමීඩ උතුරු අප්‍රිකාවේ නයිල් ගංගාව ආශ්‍රිතව පිහිටා ඇති අතර ප්‍රධාන වශයෙන් පිරමීඩ 80 පමණ මෙකී ප්‍රදේශන්හි දක්නට ලැබේ.ඉතා බැරැති ගල් එකක් මත එකක් තබා සාදා ඇති මෙකී නිර්මාණයන් පාරාවෝ රජවරුන්ගේ කාලෙයේදි නිර්මාණය කළ ඇති බව සදහන්. මෙහි ඇති අපූරත්වය නම් මේකී ගල් පැහීමට එකදු ගම් වර්ගයක් හෝ බදාමයක් නොයොදා තිබීමයි. අවුරුදු 5000 කට වඩා ඈත අතීතයක් තිබෙන මෙම නිර්මාණයන්ට සොර සතුරු, විවිධ ආක්‍රමණ, ස්භාවික පිඩාගෙන් මිදී තවමත් වැලි කතරේ වීරයේකු ලෙස සිටීමට හැකි වීම තවමත් අභිරහසකි.
                     4.ඇන්ටාර්ටිකාවේ වි‍යළි නිම්නය
ඇන්ටාර්ටිකාව යනු ඉතා විශාල ප්‍රදේශයක් පුරා පැතිරි ඇති අඩු සත්ව ඝන්ත්වයක් සහිත තනිකරම මහද්වීපයකි. එහි ඇති අයිස් තට්ටුව 2kM පමණ සාමාන්‍යෙන් ඝනකම් වන අතර එය සමහර කාල වලට 4kM පමණ දක්වා විහිදී යැයි. ශ්‍රීලංකවේ සිට කෙලින්ම දකුණට ගියොත් හමුවන්නේ ඇන්ටාර්ටිකාවයි නමුත් ඒකී දුර යුරෝපේ සිට ඇමරිකාවට අත්ලාන්තික් සයුර හරහා තිබෙන විස්ථාපනයට වඩා විශාල වේ. මෙහි ඇති වියළි නිම්නය අයිස් වලින් තොර ප්‍රදේශයක් වනතර එය පුදුමයක් වන්නේ මුලු මහද්වීපයම අයිස්වලින් වැසී යද්දී දැවන්ත ප්‍රදේශයක් අයිස් වලින් තොරව පිහිටා තිබීම නිසයි.
                                                   5.මරණයේ ද්වාරය
චීනයේ ටිබේට්,ෂින්හයි,ෂින්ශැන් මායිම්ව පිහාටා තිබෙන අති දැවැන්ත ලෙස දිවෙන කන්ලන් කදුකරයේ පිහිටා ඇති මෙම අඩවිය තහනම් අඩවියක් ලෙස චීන බලධාරිහු නම් කර ඇති අතර. ඒසේ වීමට හේතු වී ඇත්තේ ප්‍රදේශයේ පවතින දැඩි ගුප්ත බව හෝ වෙනයම් කරුණක් නිසාදැයි තවම පැහැදිලි නොමැත. කෙසේ නමුත් ඛනිජ සම්පත් සහ භූ විද්‍යා ගවේශන කණ්ඩායමකට ඇසී ඇති තොරතරකට අනුව 1983 වසරේදී මෙම ප්‍රදේශයේ අත්භූත ආකාරයකට මිනිසෙක් මැරී ඇති බවත්. ඔහුගේ සිරුරේ කිසිදු පැල්මක් නොතිබූ බවත්, වාර්තා වෙනවා. ඇට සැකිලි, තැන තැන විසිරි පවතින පුරාණ සොහොන් ගහන මෙම අඩවිය කිසි කෙනෙකු නොයන . ගියහොත් ආපසු නො එන මෙම අඩවිය ඉතා අනතුරු දායක ලෙස සැලකිය හැක                                                                                                                                             NG😊..📝

අහිමි /හිමි සුවඳ 

නුඹේ මතක
නුඹේ සුවඳ 
ඔය මූණ වගේමයි 
මගේ දූ ...
කතාබහ 
සිනකැන්
ඔබේ මතක සිහිකරයි
මගේ දූ ...
හද දවයි
පාරවයි
නෙතු හඬයි
හැමදාම 
අප එක්ව
ආ ගමන
නිම කලත් 
ඔබ තනිව
                                                           NG☺️..📝